பிரபல பதிவர் ஜெட்லியின் அராஜகம்

நம்ம பிரபல பதிவர் ஜெட்லி பத்தி எல்லோருக்கும் தெரியும். படம் பார்க்க தியேட்டருக்கு போறாரோ இல்லியோ ஆனா பக்கத்து சீட்டுல எச்சி துப்பினவன், தியேட்டர் பாத்ரூம்ல தண்ணி ஊத்தாதவன் ,பாப்கார்ன் விக்கிறவன பத்தி விமர்சனத்துல கண்டிப்பா எழுதுறவரு.  ஆனால் அவர் தமிழ் பதிவர்களுக்கு மன்னிக்க முடியாத துரோகத்தை ஏற்படுத்தி விட்டார். இதற்க்கு அவருக்கு மன்னிப்பே கிடையாது.


உலகமே ஆவலோடு எதிர்பார்த்த ஒரு மெகா ஹிட் திரைப்படம். பல வருடங்களாக எடுக்கப்பட்ட(எந்திரன் கூட ரெண்டு வருடம் தான். ஆனால் இந்தப் படம் கிட்டத்தட்ட பல வருடங்களாக எடுக்கப் பட்டது) உலகத் திரைப்படம்.


இந்தப் படத்தின் ஹீரோ சூப்பர் பாக்கு என்ற சிறப்பு அடைமொழி கொண்டவர். நாடே எதிர்பார்த்து காத்திருந்த அந்த மெஹா ஹிட் படம் மக்களின்  பேராதரவில் நேத்து உலகமெங்கும்(!@!@!@!@) வெளியாகி இருக்கிறது. இந்த படத்திற்கு கிட்டத்தட்ட ஏப்பிரல் மாதத்திலிருந்து முன்னுரை, முதலுரை எழுதி மக்களுக்கு அந்த படத்தை பத்தின விழுப்புணர்வு ஏற்றிய ஜெட்லி அவர்கள் அந்த படத்தின் விமர்சனம் எழுதாமல் தமிழ் மக்களை ஏமாற்றி விட்டார். 


அந்த படம் மிகவும் மரியாதைக்குரிய படம். பெரியவங்க அந்த படம் பேர் என்ன என்று உங்ககிட்ட கேட்டா அந்த படம் பேரு சொன்னீங்கன்னா மிகவும் மரியாதையாக இருக்கும். ஆமாம்.அந்த படத்தின் பெயர் வாடா. சூப்பர் பாக்கு தல சுந்தர் சி நடித்த(%%%^^) மெஹா ஹிட் திரைப்படம். 

அந்த படத்தை பற்றின விழிப்புணர்வுக்கு இந்த பதிவுகளை படியுங்கள்:  

வாடா - உலக சினிமாவுக்கு ஒரு சவால்!!

 

வாடா....!! <--GET READY FOLKS -->

 

தியேட்டரில் கட்டுக்கடங்காத கூட்டம். ரிலீஸ் அன்று தியேட்டரில் 38 பேர்(ஒரு வேளை  படம் பாக்க வந்தவங்க யாருன்னு தெரிஞ்சிக்க வந்திருப்பாங்களோ). இவ்வளவு ரசிகர்கள் எதிர்பார்த்த ஒரு படத்திற்கு எதிர்பார்ப்பை ஏற்படுத்திவிட்டு அதற்க்கு விமர்சனம் கூட எழுதாத ஜெட்லி அவர்களை வன்மையாகக் கண்டிக்கிறோம்(ஒரு வேலை டிக்கெட் கிடைச்சிருக்காதோ). இந்த படத்தின் எதிர்பார்ப்புகள் மற்றும் நிறை குறைகளை(குறைகளா அப்டி ஏதும் இந்த படத்துல இல்லியே) இந்த பதிவில் போய் படித்து சுவற்றில் முட்டிக் கொள்ளலாம்(பதிவை படித்து இல்லப்பா, படத்தப் பத்தி தெரிஞ்சிகிட்டு)

 

இந்த படத்தின் விமர்சனம் எழுதும் வரை அவரது ப்ளாக்கில் வேறு பதிவு போடக்கூடாது என பகிரங்கமாக எச்சரிக்கிறேன். மீறி வேறு ஏதாவது பதிவு  போட்டால் அவரது ப்ளாக்கில் வாடா பட போஸ்டர்கள் தாறுமாறாக ஒட்டப்படும் என மிரட்டல் விடுக்கிறேன். மேலும் அவர் என்னிடம் பேசிய சாட் ரெகார்டை போரமிலும் வெளியிடுவேன் என்று கூறிக் கொல்கிறேன். ஜெட்லியின் அராஜகம் ஒழிக.

..............