பதிவர்களின் பெயர்க்காரணம்

நம்ம பதிவர்கள் எதுக்காக தங்களது ப்ளாக்கில் புனை பெயர்களை தேர்ந்தெடுத்தனர் என்று பல ஆராய்ச்சிகளை மேற்கொண்டு என் மூளையை உபயோகப் படுத்தி அது என்னவென்று கண்டுபிடிச்சிட்டேன்.

அட்ராசக்கை - ஸ்கூல் படிக்கும்போது ஓவர் சேட்டை. அவரோட வாத்தியார் அடி அடின்னு அடிச்சு அவரை சக்கையாக பிழிந்ததால் இந்த பெயர் வந்தது.

வாரியர் - இவர் அவங்க ஊர் ஏரி, குளம் போன்றவற்றில் தூர் வாரியதால் இந்த பெயர் வந்தது.

பன்னிக்குட்டி ராம்சாமி - இவர் பிறந்த போது அழகா இருந்ததாக ஒரு பாட்டி சொல்ல, குழந்தையில் பன்னிக்குட்டி கூட அழகாத்தான் இருக்கும் என்று ராம்சாமி தாத்தா ஜோக் அடிக்க அதுவே பெயராகிப் போனது.

ப்ரியமுடன் வசந்த் - விஜய் நடித்த(???) ப்ரியமுடன் படத்தை பலதடவை பார்த்ததால் அதுவே பெயருடன் அடைமொழி ஆயிற்று.

வந்துட்டான்யா வந்துட்டான்யா- இவர் ஒரு இடத்துக்கு போகும்போது இவரது மொக்கை தாங்காமல் வந்துட்டான்யா வந்துட்டான்யா என்று மக்கள் அலறி அடித்து ஓடுவதால் இதுவே பெயரானது என தகவல்கள் கசிகின்றன.

மங்குனி அமைச்சர் - சின்ன வயசில் மங்கி மாதிரி அங்கும் இங்கும் அமச்சூர் தனமாக தாவியதால் மங்கி அமச்சூர் என்று பேர் ஆனது. அது நாளடைவில் மங்குனி அமைச்சர் என்று அவரது பெயர் மருவியது.

கோமாளி - எப்பவும் கோமாளி மாதிரி சேட்டை செய்து VAS சை மகிழ்விப்பதால் அந்த பேர் வந்தது.

இம்சை அரசன் பாபு - பெண்களிடம் போய் ஒரு இம்(முத்தம்) கொடு என்று கேட்டு அந்த பெண்கள் சை என்று திட்டியதால் இம்சை அரசன் பாபு என்ற பேர் வந்தது.

டெரர் - இவர் பிறந்ததும் அந்த ஹாஸ்பிட்டலில் உள்ள டாக்டர், நர்ஸ், ஆயா எல்லோரும் வேலையை விட்டுட்டு சாமியாரா போயிட்டாங்க. அந்த ஹாஸ்பிட்டலையே டெரர் ஆக்கியதால் இந்த பேர் வந்தது.

சூரியனின் வலை வாசல் - சூரியனுக்கு டார்ச் அடிக்கிரவங்களுக்கே சூரியனின் வாசலில் நின்னுக்கிட்டு டார்ச்சர் கொடுப்பதால் இந்த பேரு(யோவ் ரொம்ப புகழ்ந்திருக்கேன். பாத்து ஏதாவது பண்ணுங்க)

ரசிகன் - ஒரு சில முக்கியமான காரணங்களுக்காக விஜய் நடித்த ரசிகன் படம் பார்த்து அந்த பேரையே விரும்பி வைத்துக் கொண்டார்.

எங்கே செல்லும் இந்த பாதை - வீட்டிலிருந்து வரும்போது வீட்டு விலாசத்தை மறந்து விட்டதால் ரொம்ப காலமா வீட்டு விலாசத்தை தேடியதால் இந்த பேர் வந்தது.

டிஸ்கி 1: இந்த பதிவை படித்துவிட்டு பட்டபட்டி பதிவர் இல்லியா? அவரது பெயர்க்காரணம் ஏன் இல்லை என்று கேட்பவர்களுக்கு ஒண்ணு சொல்லிக்கிறேன். தேன் பாட்டில் மீது சத்தியமா பட்டாப்பட்டி பதிவரே இல்ல. ஆமா.

பதிவுலகின் விடிவெள்ளி, பதிவுலகின் மக்கள் திலகம், பதிவுலகின் வெற்றி தளபதி, வீராதி வீரன், பராக்கிரமசாலி பட்டாப்பட்டி அவர்கள் பதிவர் அல்ல. அவர் ஒரு பிரபல பதிவர்.(ஹிஹி).

இனிமேல் யாராவது அவரை பட்டாப்பட்டி என்றோ பதிவர் என்றோ அழைத்தால் அவர் மீது மான நஷ்ட வழக்கு போடப்படும். அப்புறம் நியூ வாட்டர் கொடுக்கப்படும். அவரை  பிரபல பதிவர் பட்டாப்பட்டி என்றே அழைக்க வேண்டும்.

டிஸ்கி 2: பதிவர் இல்லை என்று கூறியதால் யாருடைய மனதாவது புண் பட்டிருந்தால் புண் மீது தேன் தடவி தீபாவளிக்கு முன் புண்ணை ஆற்றிவிடவும். தீபாவளிக்கு சிங்கையில் வெள்ளைக்கொடி பறக்கும் என்ற ஆசையில் பறக்கத்துடிக்கும் ரமேஷ்-ரொம்ப நல்லவன் (சத்தியமா)!!