போரமா! போர் நடக்கிற இடமா? - Tamilbloggers Forum

Tamilbloggers Forum. தமிழ் பதிவர்கள் அனைவருக்கும் இதை பத்தி தெரியும் என நினைக்கிறேன். நல்ல விசயங்களை பதிவர்களுக்குள் பரிமாறிக் கொள்வதற்காக நண்பர்களால் ஆரமிக்கப் பட்டது. ஆரம்ப காலங்களில் சில நல்ல தகவல் பரிமாற்றங்கள் நடந்தது.

அப்புறம் அதுவே கும்மி அடிக்கும் இடமாக மாறியது(இதில் நானும் ஒருவன்). இதனால் சிலர் மனம் வருத்தப் பட்டனர். மூத்த பதிவர்களின் அன்பு தம்பி, நம் எல்லோரையும் வழி நடத்தி செல்லும் அண்ணன் கே.ஆர்.பி செந்தில் அவர்கள் எவ்வளவோ சொல்லி பார்த்தார். அவர் போரமிலிருந்து  வெளியில் போக நானும் ஒரு காரணம் என்பதில் வெட்கப் படுகிறேன்.

யாரும் கேட்கவில்லை. கும்மி தொடர்ந்தது. கடுப்பான அவர் போங்கடா நீங்களும், உங்க போரமும் அப்டின்னு சொல்லி "தமிழ் வலைப்பதிவு குழுமம் - நான் வெளியேறி விட்டேன்" அப்படின்னு ஒரு பதிவை போட்டு விட்டு போரமை விட்டு வெளியேறி விட்டார்.

அப்புறம் சில பதிவர்களும் கிளம்பி விட்டனர். தகவல் பரிமாற்றம், கும்மியை தொடர்ந்து இப்போது போரம் வந்து நிற்கும் இடம் போர்க்களம். தினம் தினம் சண்டைகள். எதுக்கு சண்டை,ஏன் அப்டின்னெல்லாம் கேட்கக்கூடாது(யாருக்கு தெரியும்). இவன் என்னை அடிச்சிட்டான், இவன் என்னை கிள்ளிட்டான். முதல்ல அவன்தான் என்னை கெட்ட வார்த்தைல திட்டினான் அதற்க்கு என்கிட்டே ஆதாரம் இருக்கு(அவனவன் ஆகாரம் இல்லாமல் இருக்கிறான்).

முதலில் நண்பர்களாக இருக்கும் இருவர் சாட்டில்  தகவல்களை பரிமாறிக்கிறாங்க. அப்புறம் சண்டை வந்ததும் அவனோட சாட் ரெகார்ட் என்கிட்டே இருக்குன்னு சொல்லி அவரோட சாட்டை(மானம் மரியாதையும்தான்) போரம் என்கிற கப்பலில் ஏத்தி விடுகின்றனர்.

அவர் பதிலுக்கு வேற ஒரு புனைவு கதை எழுதுகிறார். நாம உலகத்த திருத்தவா பதிவு எழுதுறோம். வந்தோமா ஜாலியா கும்மி அடிச்சமா, போனமான்னு இல்லாம ஏன் ஸ்கூல் பசங்க மாதிரி இவ்ளோ சண்டை.

எனக்கு நிறைய நண்பர்கள் இந்த ப்ளாக் மூலமாகத்தான் கிடைத்தார்கள். எவ்வளவோ உதவிகளை ஒரு பிளாக்கர் இன்னொரு பிளாக்கர்க்கு செய்துகொண்டிருக்கிறார்கள். இந்த போரமில் தினமும் 50-100 mails கண்டிப்பாக வரும். அனைத்தும் சண்டை போட்டுதான். ஒரு சில mails விதிவிலக்கு.

ஒரு ஜோக் உண்டு. "இங்கு சுவற்றில் எழுதாதே" அப்டின்னு ஒருத்தன் போர்டு வச்சானாம். அங்க வந்த ஒருத்தன் "சரி இனிமே எழுத மாட்டோம்" அப்டின்னு பெருசா எழுதிட்டு போனானாம்.

அது மாதிரி, நான் ஒரு மெயில் போரமில் அனுப்பினேன் "இது போரமா! போர் நடக்கிற இடமா?" அப்டின்னு. அங்கு வந்தும் அவன்தானா முதல்ல அடிச்சான். அவன நிப்பாட்ட சொல்லுங்கன்னு, நான் நிறுத்துறேன் அப்டின்னு reply மெயில் வருது. எங்க போய் முட்டிக்கிறது.

சண்டைய நிறுத்துங்கன்னு கேட்டா, முடியாது வேணும்னா உங்க மெயில் option மாத்திக்கோங்க அப்டின்னு சொல்றாங்க. அது என் விருப்பம். அப்டின்னா சண்டை போடுவது எங்கள் விருப்பம்ன்னு சொல்றீங்களா? போரம் நீங்க சண்டை போட ஆரமிச்சதில்லைங்கோ. உருப்படியா சில தகவல்களை பரிமாறிக்கத்தான்.

எல்லோரும் வந்துபோகுமிடம் அது. நீங்க சண்டை மட்டும் போடும் இடம் இல்லை.வேணும்னா தனி மடலில் போய் சண்டை போடுங்கள். யார் கேக்க போறா?

சரி ஏதாவது பண்ணுவோம்னு நானும், மங்குனியும் பேசி, மச்சி நீ என்னை திட்டுற மாதிரி திட்டு, நான் அழுவுற மாதிரி அழுவுறேன் அப்டின்னு போரம்ல போய் சண்டை போட்டோம். அதுக்கப்புறமும் போரமில் 5-10 சண்டை மைல்ஸ் வந்து விட்டது. மச்சி விடு இது வேலைக்ககாதுன்னு நிப்பாட்டிடோம்.

எனக்கு சில கேள்விகள்:

- அப்படி என்னதான் பிரச்சனை  உங்களுக்கு? நாங்களும்தான் ப்ளாக் எழுதுறோம். நண்பர்களை பயங்கரமா கலாய்க்கிறோம். நாங்களும் புனைவு எழுதுறோம்(ஜாலியா). பிரச்சனை தானா வர்றதில்லை. நாமதான் தேடிக்கிறோம்.

- எப்பதான் உங்க சண்டைய முடிப்பீங்க? அடுத்த election குள்ள? உலகம் அழியுரதுக்குள்ள?

- பெண் பதிவர்கள் கிட்ட தப்பா பேசினான், போட்டோவ எல்லோருக்கும் கொடுத்துட்டான் அப்டின்னு நிறைய மெயில் வருது. எவ்ளோ கட்டுரைகள் படிக்கிறோம். முன் பின் தெரியாத இடத்துல உங்க informations-ச பரிமாறிக்காதீங்கன்னு. நம்ம வீட்டு குழந்தைகளுக்கும்  நாம அட்வைஸ் பண்றோம். பின்ன நாம ஏன் எச்சரிக்கையா இருக்க கூடாது?

- போரமில் எப்பதான் இந்த சண்டை முடிந்து நல்ல விசயங்களை பரிமாறிக் கொள்வீர்கள்?

- தயவு செய்து மெயில் Option மாத்திகோன்னு சில்லியா பதில் சொல்ல வேண்டாம். 

பின் குறிப்பு: என்னால் இன்னும் இந்த போரமில் நீடிக்க முடியாது. Moderator யாராக இருந்தாலும் போரமில் இருந்து எனது பேரை வெட்டி பக்கத்தில் உள்ள குப்பை தொட்டியில் போட்டு விடுங்கள். அங்காவது நிம்மதியாக இருப்பேன். இப்படியே இருந்தால் இன்னும் கொஞ்சநாளில்யாருமே இல்லாத டீக்கடையில்தான் நீங்க டீ ஆத்த வேண்டிதிருக்கும்.

டிஸ்கி1: எனக்கு உங்கள் யார் மீதும் கோபமில்லை. எனது பதிவை ரெண்டு நாளாக படிக்காத டெரர் அண்ணன், புரியாத மாதிரி எழுதும் தேவா அண்ணன், என்னை கலாய்க்கும் வெங்கட், மொக்கை போடும் செல்வா,லேட்டாக கமெண்ட் போடும் சௌந்தர்,அருண் மற்றும் இம்சை  அவர்கள் மீது கோவப்பட்டு எழுதிய பதிவுதான் இது. என் கோவம் அவர்கள் மீதுதான்.

டிஸ்கி2:இந்த பதிவை பார்த்து என்னை பத்தி யாராவது புனைவு எழுதினால் நம்ம அண்ணன் பன்னிக்குட்டி ராம்சாமி, மங்குனி அமைச்சர் அவர்கள் தலைமையில் தினமும் மூணு வேளை அஞ்சப்பரில் பிரியாணி தின்னுவிட்டு சாகும் வரை வீராசாமி மற்றும் மேதை படம் பார்ப்பேன் என கூறிக் கொல்கிறேன்.

டிஸ்கி2: டெரர்,தேவா,பன்னிகுட்டி,சௌந்தர்,இம்சை,அருண்,மங்குனி, வெங்கட் மற்றும் செல்வா- மாட்டுனீங்களா. உங்களையும் கோர்த்துவிட்டுடேன். ஐ.