எட்றா அருவாள

காலை 11 மணி:

டேய் பொருளை எடுங்கடா. அவ எங்க இருந்தாலும் ஒரு மணி நேரத்துக்குள்ள இங்க வந்தாகணும்.

காலை 11.30 மணி:

அடியாள்: பொண்ணு எங்க தேடியும் கிடைக்கலை.
பாஸ்: அந்த பையன் வீடு எங்கன்னு சொல்லு. நான் போறேன்.

மதியம் 12 மணி:

இடம்: பையன் வீடு.

பாஸ்: இங்க யாரடா ராஜுவோட அப்பா.
அப்பா: நான்தான்
பாஸ்: உன் பையன் என் பொண்ண இழுத்துட்டு ஓடிட்டான். தூக்குறேன். அவன உயிரோட விட மாட்டேன். டேய் அவனை கொன்னுட்டு என் பொண்ணை இழுத்துட்டு வாங்கடா.

மதியம் 12.30 மணி:

கண்ணனோட wife எனக்கு ரொம்ப இடைஞ்சலா இருக்குறா. அவ இருக்குற வரைக்கும் எங்க கல்யாணம் நடக்காது. இந்த பாட்டில்ல விஷம் இருக்கு. இதை அவளுக்கு கொடுத்து அவளை கொல்லுறேன் பாரு.

மதியம் 1.30 மணி: 

அந்த குடும்பம் உருப்படக் கூடாது. நாசமாப் போகணும். ஏதாச்சும் பண்ணி அந்த குடும்பத்தைப் பிரிக்கிறேன் பாரு.

மதியம் 2.30 மணி:

என்னை காதலிச்சுட்டு வேற கல்யாணம் பண்ணினா அவன விட்ருவனா? கல்யாணத்த நிறுத்துறேன். அவன நடுத்தெருவுக்கு கொண்டுவரேன்.

மாலை 6 மணி:

பாஸ்: என்னடா பொண்ணு கிடைச்சாளா?
அடியாள்: ஆமா. அவங்க கோயில்ல கல்யாணம் பண்ணிகிட்டாங்க. போலீஸ் வேற இருக்காங்க.
பாஸ்: சரி ஆனா அவங்களுக்குள்ள எதுவும் நடக்க கூடாது. அவன் கைய காலை உடைக்க பாருங்க.

மாலை 7 மணி:

இனிமே உன்னை என் புருஷன் கூட பார்த்தேன் மூஞ்சில ஆசிட் ஊத்திடிவேன்.

இரவு 8 மணி:

மாமியாரா அவ. கொடுமைக்காரி. ஒரு நாள் இல்லாட்டி ஒருநாள் அவ தலைல கல்லை தூக்கி போட்டுதான் கொல்லப் போறேன்.

இரவு 9 மணி:

என் மருமக சரியில்ல. அவல நடத்த கெட்டவ அப்டின்னு சொல்லி என் பையனுக்கு வேற கல்யாணம் பண்ணனும். அவ பொண்ணா. அவளுக்கெல்லாம் நல்ல சாவே வராது.

இரவு 10 மணி:

தம்பி: எங்க அண்ணனையும் அண்ணியையும் பிரிக்கணும். நல்ல ஐடியா குடேன்.
நண்பன்: ஏண்டா?
தம்பி: ஏன்னா நான் எங்க அண்ணிய லவ் பண்றேன்


டிஸ்கி: இருங்க, என்ன சொல்றீங்க. பொண்ணுங்க பயப்பட போறாங்களா? நீங்க வேற. மேல உள்ள நிறைய வசனங்கள் பொண்ணுங்க பேசுறதுதான். புரியலையா. காலைல இருந்து இரவு வரைக்கும் ஓடுற சீரியல்ல maximum இந்த வசனங்கள் மட்டும்தான் இருக்கும்.

எனக்கு தெரிஞ்சு ஒரு நல்ல விஷயம் கூட பாத்ததில்லை. எவளாவது எவளையாவது பழி வாங்கிக்கிட்டுதான் இருக்கிறாள். எப்படித்தான் இந்த மாதிரி சீரியல் எல்லாம் பாக்குறாங்களோ. என்ன கொடுமை சரவணன் இது.....