பதிவர் ராஜன் & ரேவதி அவர்களுக்கு திருமண வாழ்த்துகள்

இன்னிக்கு(Oct-20) சாயந்தரம் ஆபீஸ் முடிஞ்சு கிளம்பும்போது சரியான பசி. கைல காசு வேற இல்லை. சரி யார்கிட்டயாவது கடன் கேப்போம்னு பாத்தா நம்ம மங்குனி அமைச்சர் நியாபகம் வந்தது. அவருக்கு போன் பண்ணி நைட் சாப்புடனும் செலவுக்கு பணம் கொடுங்க அப்டின்னு கேட்டேன்.

அமைச்சரும் பணக் கஷ்டத்தில்தான் இருந்தார் போல. யோவ், பதிவர் ராஜன், பதிவர் ரேவதி கல்யாணம் நாளைக்கு. இன்னிக்கு ரிசப்சன். அங்க போனா ஓசில சாப்பாடு கிடைக்கும் அப்டின்னார். சரி நமக்குதான் அந்த ரெண்டு பேரையும் தெரியாதே அப்டின்னேன்.

மங்குனி: யோவ் அவங்க ப்ளோக்ல போய் கடைசி ரெண்டு பதிவ படி. பதிவு போட்ட தேதிய நியாபகம் வச்சுக்கோ. அங்க மாப்பிளைய பாத்ததும் ஹலோ Mr ராஜன், உங்க பதிவுகள் எல்லாம் சூப்பர். அதுவும் கடைசி ரெண்டு பதிவு ரொம்ப நல்லா இருக்கு அப்டின்னு பதிவு பேரோட சொல்லு. முடிஞ்சது. 

என்ன இருந்தாலும் நம்ம அமைச்சர் ராஜ தந்திரங்களை கரைத்து குடித்தவராச்சே. சரின்னு கிளம்பி மண்டபத்துக்கு போயாச்சு. வால்பையனுக்கு போன் பண்ணினா அவர் ரூம்க்கு வர சொன்னார். அங்கே நம்ம பலா பட்டறை ஷங்கர், தமிழ் அமுதன், வால்பையன் இருந்தனர்.

அங்கிருந்து மண்டபத்துக்கு(சாப்பிட அப்டின்னு  சொல்லு) போனோம். அங்கே ஜாக்கி சேகர், டோண்டு,யுவகிருஷ்ணா, உண்மைத் தமிழன். அப்துல்லா வந்திருந்தனர். மணமக்களை வாழ்த்திவிட்டு சாப்பிட போனோம்(ம் வந்த வேலை முடிந்தது)

சாப்பிட்டதும் மங்குனி அமைச்சரை காணவில்லை. சரி வந்த வேலை முடிந்ததும் அமைச்சர் ஓய்வெடுக்க அரண்மனைக்கு போயிருப்பார். இரவு 10 மணிக்கு கே.ஆர்.பி.செந்தில் அண்ணா,கேபிள் ஷங்கர்,விந்தை மனிதன் வந்து சேர்ந்தனர். (அவங்களுக்கு சாப்பாடு கிடைச்சிருக்குமா?. சரி விடு நமக்கென்ன கவலை. நாமதான் சாப்டாச்சே).

ஒரு மினி பதிவர் சந்திப்பு நடந்தேறியது(பதிவர் சந்திப்புன்னாலே மழை வந்திடுது. சென்னைல இன்னிக்கும் காலைல நல்ல மழை. பதிவர் ஜானகிராமன் சொன்னது போல வருணபகவானும் ஒரு பதிவரா இருப்பாரோ? அவர் பதிவை கண்டு பிடிச்சு கும்முறோம்) என்ன பேசினோம்னு யாராச்சும் எழுதுவாங்க.

முக்கிய குறிப்பு:  இல்லற வாழ்வில் இணையும் நண்பர்கள் இருவருக்கும் என் அன்பான திருமண வாழ்த்துகள்

டிஸ்கி: காதை கொடுங்க. யார்கிட்டயும் சொல்லிடாதீங்க. என்கிட்டே யாரும் மொய் கேக்கல. எங்க மொய் கேட்டுருவாங்கன்னு பயந்து மங்குனி எஸ்கேப் ஆயிருபாரோ? இல்லை பார்சல் தரலைன்னு கோவமா? 
.
.