தொழிலாளி.... கிர்ர்ர்ர்ர் (எதிர் பதிவு)

இந்த பதிவு இதற்கு எதிர்பதிவு..

கடவுள் படச்சதுல மிக அற்புதமான விஷயம் தொழிலாளி. எதுவுமே தெரியாம எல்லாம் தெரிஞ்ச மாதிரி நடிக்கிறதுனா சும்மாவா? காலையில எழுந்து பொண்டாட்டி கிட்ட திட்டு வாங்கரது. அதே கோவத்துல பஸ்ல ஏறி உக்கார்றது.வர வழி எல்லாம் ஆபிஸ்ல இன்னிக்கு எப்படி வேலை செய்யாம ஓப்பி அடிக்கலாம்னு யோசிக்கிறது.

உள்ள வந்ததும் ஒரு புத்திசாலி மேனேஜர் ஒரு வேலை கொடுப்பாரு. அதை செய்ய ஆரம்பிக்கிறதுகுள்ள அரைமணி நேரம் டீ பிரேக் போயிடுவாங்க. அடுத்த அரை மணி நேரம் சிகரெட் பிடிக்க கிளம்பிடுவாங்க. சரி சீட்டுக்கு போங்க அப்டின்னு மேனேஜர் சொல்லுவாரு.

அடுத்த அஞ்சி நிமிஷத்துல(அவங்க சீட்டுக்கு வந்து உக்காரும்போதே ரெண்டு மணி நேரம் முடிஞ்சிருக்கும்)ஏங்க அந்த வேலை முடிஞ்சிதா அப்டின்னு மேனேஜர் கேட்பாரு. அப்போ கேனத்தனமா சிரிப்பாங்க பாருங்க அப்போ வரும் கோவம்... ஏண்டா நாயே நீ எல்லம் உயிரோட இருந்து என்னடா பண்ற அப்படினு கேக்கனும் போல நாக்குல வார்த்தை வந்து நாட்டியமாடும்(சீட்டுல வந்தும் வேலை செய்யாம அரசியல், சினிமான்னு கதை பேசியே ரெண்டு மணி நேரம் போயிடும்).

சின்ன லெவல்ல இருந்து நல்ல படியா படிப்படியா படிச்சு  வேலைக்கு வந்தவன் எல்லாம் ரொம்ப ஏமாத்த மாட்டான். ஆன குத்து மதிப்பா படிச்சி பிட்டடிச்சு BE பாஸ் பண்ணி முடிச்சிட்டு எவனாவது சொந்தக்காரன்  ரெகமேண்டேசன்ல வந்து வேலைக்கு சேர்ந்து இருப்பாங்க பாருங்க அவங்க அட்டகாசம் தாங்க முடியாது.

அவங்களுக்கு தெரிஞ்சது எல்லாம் எவளாவது வாயில நுழையாத ஒரு இங்கிலீஷ் சினிமா நடிகை பேர சொல்றது(தமிழ் சினிமா பார்க்க மாட்டானுகலாம். ஒன்லி இங்கிலீஷ் படம்தான்) அந்த ஹீரோயின் எவ்ளோ அழகா இருக்கா தெரியுமான்னு கேட்டு நம்ம உயிர வாங்கரது. அந்த லூசு பிகரு எப்படி இருந்தா எனக்கு என்ன?

அப்படி என்னடா அந்த நடிகை நடிச்சிருக்கான்னு கேட்டா, வித்தியாசமா நடிச்சிருக்காங்க அப்டின்னு சொல்லுவான். இது நம்ம ஊர்ல இருக்க சாதரண நடிகை கூட வித்தியாசமாத்தான் நடிக்கிறாங்க. அதே மாதிரி வர்ற தமிழ் படத்தை விட்டுட்டு இங்கிலீஷ் படத்தை சத்யம் தியேட்டர்ல Rs.200 கொடுத்து பார்த்துட்டு வந்து வெட்டியா சீன் போடுவானுக.

அது மாதிரி எப்பவுமே வெட்டியா இருந்துட்டு மீட்டிங் வச்சா அந்த நேரத்துல செல்போன்ல பிகர்கிட்ட வெட்டியா எதாவது பேசும். "போன வாரம் ஏன் நீ பீச்சுக்கு வரலை?இந்த வாரம் படத்துக்கு போகலாம். சாரிடா செல்லம்." ஏண்டா காலைல இருந்து ஒரு வேலை பார்க்கலை அப்டின்னு மீட்டிங் வச்சா பிகரோட கடலை போடுவானுக. பின்ன மேனேஜர்க்கு கோவம் வந்து பேச ஆரமிச்சா நீ பி.பி ஏறி செத்து போய்டுவடா அப்படினு மனசுகுள்ள நினைச்சி நம்ம பி.பி தான் ஏறும்.

என் நண்பன் மாலுமி சார்பா உங்களுக்கு ஒன்னு சொல்றேன். வேலை கொடுத்தா மேனேஜர் கிட்ட முழு விபரம் கேளுங்க. அரை குறையா டீடேய்ல் கேட்டுக்க வேண்டியது அப்புறம் தப்பா வேலைய செஞ்சிட்டு அப்பாவி மேனேஜரை மனசுக்குள்ள திட்ட வேண்டியது. எப்போ தான் சரியா சொல்லுவீங்கன்னு சொல்லி கேள்வி வேற. நீ எப்போதாண்டா உனக்கு என்னா டீடைல்ஸ் வேணும்னு மேனேஜர் கிட்ட சரியா கேட்டு தெரிஞ்சுக்குவ? அப்ரைசல் டயத்துல மட்டும் எப்படிடா கரெக்டா வேலை செய்யுறீங்க?

இந்த அப்ரைசல் அப்படின்ற விஷயத்த எந்த மகான் கண்டு பிடிச்சாரு தெரியவில்லை. அவரு பாவம் வேலை செய்யரவன திறனாய்வு பண்ணி அதுக்கு தகுந்த மாதிரி ஊதிய உயர்வு, பதவி உயர்வு கொடுக்க அவரு கண்டு பிடிச்சாரு. ஆன இந்த சாவுகிராக்கிங்க அதை அப்பாவி மேனேஜர்க்கு ஜால்ரா போடற வேலை எல்லாம் செய்யுது. மேனேஜர் சார் டீ சாப்டீங்களா. காப்பி சாப்டீங்களா. சிகரெட் வேணுமான்னு வழிய வேண்டியது. இந்த பாசம் எல்லாம் இவ்ளோ நாள் எங்கடா போச்சு. ஸ்ஸ்ஸ்ஸ்ஸ்பா.....

இந்த லூசுகளுக்கு கீழ ஒரு சின்ன லூசு(ஜூனியர்ஸ்) இருக்கும் இந்த லூசு மாச மாசம் அந்த லூச கூப்பிட்டு ரிப்போர்ட் கேக்கும். சின்ன லூசு கரைக்டா ரிப்போர்ட் கொடுக்க பெரிய லூசு பேர மட்டும் நோட்டுல எழுதும் (இது எதோ பெருசா நோட்ஸ் எடுத்து கிழிக்கிது அது சந்தோஷபடும்). பெரிய லூசு, மேனேஜர் கிட்ட வந்து என்னவோ அதுவே யோசிச்சு எழுதின மாதிரி சீன் போடும். நல்ல ரிபோர்டா இருந்து மேனேஜர் பாராட்டினா ஹிஹின்னு பல்லை இளிக்கும். ரிப்போர்ட் மோசமா இருந்தா இது ஜூனியர்ஸ் பண்ணினது அப்டின்னு சொல்லி அவங்க மேல பழியை போடும்.

டெரர் : ஏண்டா நாயே, பரதேசி இது எல்லாம் ஒரு பொழப்பாடா உனக்கு. ஆபீஸ் வர வேண்டியது. பிகர் கூட கடலை போட வேண்டியது. ஏன்டா வேலை செய்யலைன்னு மேனேஜர் கேட்டா அவனை திட்ட வேண்டியது (இவன் ஒரு கம்பனில அடிமாடா இருக்கான்)

டிஸ்கி : சில நல்ல திறமையுள்ள தொழிலாளிகள் இருக்கலாம்(என்ன இருக்கலாம் டெரர் தவிர எல்லோரும் திறமையானவர்கள்தான்) அவர்களுக்கு திட்டு விலக்கு அறிவிக்க படுகிறது...
...