அழகான பொண்ணுதான்

நான் காலேஜ் படிச்சிக்கிட்டு(யாராச்சும் நான் படிச்சானான்னு பீல் பண்ணினா காலேஜ் போய் வந்துக்கிட்டு இருந்த சமயம்னு வச்சிகோங்க) சமயம் நானும் என் பிரண்டும் வீட்டுல இருந்து சைக்கிள்ல கிளம்பி ரயில்வே -ஸ்டேஷன்ல போய் சைக்கிள போட்டுட்டு பஸ்ல காலேஜ் போவோம்.

ஒரு நாள் நானும் என் பிரண்டும் காலேஜ் போறதுக்காக வீட்டுல இருந்து சைக்கிள்ள கிளம்பினோம். அன்னிக்கு ரெண்டு பெரும் ஒரே சைக்கிள்ள போனோம்.

அப்போ தூரத்துல ஒரு பொண்ணு பாவாடை தாவணி போட்டுக்கிட்டு தலை நிறைய மல்லிகை பூ வச்சிக்கிட்டு கைல புக்ஸ் வச்சிக்கிட்டு போய்க்கிட்டு இருந்தது. நானு என் பிரண்டு கிட்ட டேய் நண்பா ஒரு பிகர் போகுது சீக்கிரம் போய் அவங்க முகத்தை பாக்கலாம்டா அப்டின்னு சொல்லிட்டு சைக்கிளை வேகமா ஓட்டிட்டு போனேன்.

சைக்கிள்ள டபுள்ஸ் போறது எவ்ளோ கஷ்டம். அதெல்லாம் பார்த்தா முடியுமா? வேகமா போய் அந்த பொண்ண தாண்டி போய் திரும்பி பார்க்கிறோம்.

அந்த பொண்ணு "டேய் ரமேஷ், அறிவு கெட்டவனே மெயின் ரோட்டுல சைக்கிள்ள இவ்ளோ வேகமாவா வருவே" அப்டின்னு திட்ட என் பிரண்டு என்னை கேவலமா பார்க்க!!!

அது ஒண்ணுமில்லை அந்த பொண்ணு எங்க மாமா பொண்ணு. அட கொடுமையே இந்த மூஞ்சியத்தான் தினமும் பார்க்குறனே. இதுக்கா இவ்ளோ வேகமா கஷ்டப்பட்டு வந்தேன்.. அவ்வ்வ்வ்வ்வ்வ்வ்.
...