என்னவென்று சொல்வதம்மா!!!

பின்லேடனை போட்டு தள்ளியதற்காக வாழ்த்து சொல்வதற்காக ஒபாமாவை பார்க்க போனவாரம் வெள்ளை மாளிகை போயிருந்தேன். ஒபாமா மிகவும் நல்லவர். எனக்கு விருந்தெல்லாம் ஏற்பாடு செய்திருந்தார். பின்னர் நாங்கள் இருவரும் நகர்வலம் சென்றோம். 

முதலில் அவர் அவரது வீட்டிற்கு கூட்டி போனார். அவர் என்னிடம் இங்கிலீஷ்ல தான் பேசினார். உங்களுக்கு புரியதுங்கிறதால தமிழ்ல மொழி பெயர்த்திருக்கேன்(இல்லன்னா ஒபாமாவுக்கு தமிழ் தெரியுமான்னு கமென்ட் போட்டு கொல்லுவானுக)

ஒபாமா: ஹாய் ரமேஷ். இதுதான் என்னோட தங்கை. நான் அக்கான்னுதான் கூப்பிடுவேன்.

நான்: !!!!

ஒபாமா: இதுதான் உங்க இந்தியன்ஸ் கும்பிடுற மாரியம்மன் கோவில். நாங்க பிள்ளையார் கோவில்ன்னு சொல்லுவோம். 

நான்: !!!!

ஒபாமா: இதுதான் எங்க ஊர் அசைவ ஹோட்டல். ஆனா நாங்க வெஜிடேரியன் ஹோட்டல்ன்னுதான் சொல்லுவோம்.

நான்: !!!!

ஒபாமா: இவர்தான் எங்க ஊர் போலீஸ். ஆனா நாங்க திருடன்னுதான் சொல்லுவோம்.

நான்: (பயங்கர கடுப்பாகி) லூசாப்பா நீங்க. எல்லாத்தையும் மாத்தி மாத்தி சொல்றீங்க. 

ஒபாமா: (அமைதியாக) சரி நான் கேட்கிற கேள்விக்கு பதில் சொல்லு..

நான்: கேளுங்க 

ஒபாமா: இங்கிலீஷ் நியூ இயர் எப்போ கொண்டாடுவீங்க?

நான்: ஜனவரி 1 

ஒபாமா: ஏன்?

நான்: ஏன்னா அதுதான் வருசத்தோட முதல் மாசம். முதல் நாள்.

ஒபாமா: அப்டின்னா தமிழ் நியூ இயர் எப்போ கொண்டாடுவீங்க?

நான்:(ஆகா மாட்டிக்கிட்டமே) இப்போ தை 1 கொண்டாடுறோம்.

ஒபாமா: தமிழோட முதல் மாசம் எது?

நான்: சித்திரை.

ஒபாமா: அப்புறம் என்ன_________க்கு தை 1-ம் தேதி தமிழ் நியூ இயர் கொண்டாடுறீங்க?

நான்: அது வந்து..

ஒபாமா: இப்போ சொல்லு நீங்க லூசா? இல்லை நாங்க லூசான்னு..

நான்: (என்னவென்று சொல்வதம்மா)

டிஸ்கி: பல நூற்றாண்டுகளாக சித்திரை 1 அன்று கொண்டாடி வந்த தமிழ் புத்தாண்டை தை மாசம் மாத்திட்டாங்க. ஆனா சித்திரை திருநாள் சிறப்பு நிகழ்ச்சிகள்ன்னு  போட்டு அன்னிக்கு காசு மட்டும் சம்பாதிப்பாங்க. இப்போ ஆட்சி மாறிடுச்சு. 

இனிமேலாவது மறுபடியும் சித்திரை 1 அன்று தமிழ் புத்தாண்டை கொண்டாடலாம்னு அம்மா அறிக்கை விட்டா நல்லா இருக்கும். நிறைய பேரோட ஆசையும் அதுதான். இதை அரசாங்கத்துக்கு சொல்றதுக்கு என்ன பண்ணனும்? இதில் விருப்பமுள்ளவர்கள் இந்த விஷயத்தை மட்டும் உங்கள் பஸ்,ட்விட்டர்ல ஷேர் பண்ணலாமே!!!!

...