தமிழ் சினிமா வீணாக்கிய அழுக்கன்கள்- பார்ட் 1

என்னது தலைப்பு கொஞ்சம் எக்குத்தப்பா இருக்கேன்னு பார்க்கிறீங்களா? என்ன சார் பண்றது, எல்லாம் நம்மூரு சினிமாக்காரனுங்க பண்ற வேலை. நல்ல படம் எடுக்கலேன்னாலும் பரவால்ல, மன்னிச்சு விட்ரலாம், ஆனா நல்ல நல்ல பசங்களை கண்டுக்காம விடுறானுங்க பாருங்க, அதுதான் சார் தாங்க முடியல.

இது இன்னிக்கு நேத்துன்னு இல்லங்க ரொம்ப நாளாவே நடந்துட்டு இருக்கு. ஆனா வருத்தமான விஷயம் பாருங்க, இன்னும் அந்த நெலம மாறவே இல்ல, இப்போவும் நம்ம சினிமா யாவாரிக நல்ல நல்ல அழகம்சம் நெறஞ்ச நடிகர்கள்ளை கண்டுக்காம விடுறது அடிக்கடி நடந்துக்கிட்டுத்தான் இருக்கு. அதப் பாத்துப் பாத்து உள்ளுக்குள்ள பொங்கிப் புரையேறி வந்த குமுறலோட விளைவுதான் இந்த பதிவு. முடிஞ்சா லைட்டா ஒரு கட்டிங் விட்டுட்டு படிச்சீங்கன்னா இதம்மா இருக்கும்...! (அடிச்சிட்டுத்தான் எழுதுனேனான்னுலாம் சின்னப் புள்ளத்தனமா கேட்கப்படாது... தொலச்சிபுடுவேன் தொலச்சி!)

1.வினீத்

கரிசக்காட்டுப் பூவே,மறவாதே கண்மணியே,உளியின்ஓசை,பாசக் கிளிகள்,தேவதை போன்ற மாகா காவியங்களில் நடித்தவர் இவர். நடிகை ஷோபனாவின் சொந்தம் இவர். இவர் நடித்த படங்களின் வசூல் எல்லாம் வைத்து ஒரு டீ கூட குடிச்சிருக்க முடியாது என்று கோடம்பாக்க ஏரியாவில் பேச்சு. அப்பேர்பட்ட வசூல் சக்கரவர்த்தி இவர். ஆனால் இவரை சிம்மராசி,சந்திரமுகி போல அல்லக்கை கேரக்டர் கொடுத்து தமிழ் சினிமா ஒரு நல்ல நடிகரை(!!!) இழந்துவிட்டது.

2.சாம் ஆண்டர்சன்

நிறைய பேருக்கு இவரை பற்றி தெரியாது. உண்மைலயே இவர்தான் நடனபுயல். இந்தியாவின் மைக்கல் ஜாக்சன். இவரது டான்சால் தமிழ் சினிமாவை ஆக்கிரமித்து விடுவாரோ என பயந்து பிரபுதேவா இவரை ஓரம்கட்ட படாத பாடுபட்டார் என அதிர்ச்சி தகவல் கோடம்பாக்கத்தில் இருக்கிறது. இவரது நடனத்தை பார்த்து பலபேர் கீழ்பாக்கம்,ஏர்வாடி சென்றதாக தகவல்கள் கிடைக்கின்றன. இவரது டான்ஸ் உங்களுக்காக..

3.பிரசாந்த்

சுமாராக போய் கொண்டிருந்த இவரது கேரியரில் இவர் நடிப்பு பிரமிக்க வைத்தது ஜாம்பவான்,  ஜெய் போன்ற காவியங்களில்தான். அதற்கப்புறம் நீளமா முடி வச்சிக்கிட்டு  பூச்சாண்டி மாதிரியே நடித்து மக்களை பயமுறுத்திய படம் தகப்பன் சாமி. அந்த படம் பார்த்து பாதிலயே விட்ரா சாமின்னு ஓடி வந்த தியாகிகள் பலர். கடைசியாக மூன்று வருடங்களுக்கு பிறகு நம்மை பயமுறுத்தியே ஆகணும் என்கிற வெறியில் அவர் நடித்த வரலாற்று சிறப்பு மிக்க படம்தான் பொன்னர் சங்கர்.

4. விக்னேஷ்

இதுவரை இவர் நடித்த ஒரு படமும் ஹிட் ஆகவில்லை என்பதுதான் இவருடைய சிறப்பு. சூரி,செல்லக்கண்ணு,ஆச்சார்யா போன்ற அபூர்வமான படங்களில் நடித்தவர் இவர். இவருடைய நடிப்பை பார்த்து கமல்,சிவாஜி போன்றவர்கள் ரூம் போட்டு அழுதார்கள் என்று ஒரு உண்மையை நீங்கள் தெரிந்து கொள்ளவேண்டும். கடைசியாக ஈசா அப்டின்னு ஒரு படம். படம் பார்க்கிறவங்களை செதில் செதிலா செதுக்கினது கல்வெட்டில் பொரிக்க பட வேண்டியது. 

5.அப்பாஸ்

ஆஸ்கார் அவார்ட் வாங்கவேண்டிய நடிகர். என்ன செய்றது கூடா நட்பு போல கூடா சகவாசம். வரிசையா காவிய படங்கள் நடிக்க ஆரமிச்சிட்டாரு. இப்ப எந்த படத்துல அல்லைக்கை வேணும்னாலும் அண்ணாதான் முத ஆளா வந்து நிப்பாரு. சம்பளமே வேணாமாம். சான்ஸ் கொடுத்தா போதுமாம்.


6. ஜித்தன் ரமேஷ்

புதுமுகங்களை வச்சி பல ஹிட் கொடுத்த R.B.சவுத்ரி சம்பாதிச்ச பேரையும், பணத்தையும் நாசமாக்க சினிமாவுக்கு வந்தவர் இவர். சினிமால இவரோட வசன உச்சரிப்பு கேட்டா இனிமா கொடுத்த மாதிரியே ஒரு பீலிங் வரும். அதுதான் இவரோட சிறப்பு. கிரேசி மோகனால கூட இவரை காப்பாத்த முடியலை. ஒரு காமடி படத்தை(ஜெர்ரி)சீரியசான படமாக்கும் திறமை இவரைத்தவிர யாருக்கும் இல்லை என்பதே இவருக்கு பெருமை. பாவம் இவர் கூட நடிச்சதுல இனி சினிமாவே வேண்டாம்ன்னு அந்த பொண்ணு துளசி சீரியல்ல நடிக்க போயிடுச்சு.

இப்பவே எனக்கு கண்ணை கட்டுவதால் இதோட நிறுத்திக்கிறேன்.